Oschenboden, Switserland

Zurich en Luzern

Was vandag vir 'n baie kort besoek saam met Curt Dreyer in Luzern, eintlik Emmen. Wat 'n mooi plek. Terug in Zurich het ek die ou stad probeer verken, maar my tyd was maar min. Kon net een stegie deurstap en het toe besluit op 'n kaas fondu vir aandete. Seker die duurste R320 alleen ete wat ek ooit gehad het, en toe was dit nie eens lekker nie. Het oppad terug na die hotel in die hardloop by McDonalds !? van alle plekke gou iets toe maar ekstra gekry. En vrek, die Hauptbhanhof het my kop laat draai, my vrek gesukkel om die regte trein terug te kry. Maar ten minste was die werk deel van die dag baie suksesvol, die Switserse militere mense is baie vriendelik. 

Zurich Airport Hotel, Luzern, Oschenboden

Oppad na Zurich

Greding weer

Wel, vandag is die temperatuur dalk laag in Greding, maar dit is beslis warm en lekker buite as in Pretoria

Oppad na Greding, Duitsland

Dilbert oor Ttegnologie Planne...

Draf...

Ek soek so een...

http://www.wired.com/autopia/2012/03/morgan-plue-e

Phantom of the Opera, Montecasino

Wel, mens moet beslis Phantom of the Opera sien, al is dit net vir die tegniese, koordineering en kostuums. Die oorpronklike stel is herbou in Teatro, Montecasino, en die aandag aan detail is ongeken, ten minste in SA. Saam met Bella and Marjorie, gistgeraand. O, en eet gerus by Maestro's, wye spyskaart, goeie diens, en lekker kos, billik. 

Ou vir die Nuwe ...

Wel, na net meer as 7 jaar en 100,000km moes ek uiteindelik van my geliefde trokkie afsien. LTF het net te onbetroubaar begin raak, veral as ons daai langpad vakansies wil aandurf. Head bolt morsaf twee keer, clutch slave cylinder, waterpomp, clutch, toe begin te te veel raak. Ou LTF het ons baie goed gedien, en ek sou nog 7 jaar kon doen. Maar die nuwe wa is so stil binne....

Nou het ons Isuzu BS die nuwe, 'n demo model met net 42km op die klok.

Galagos Lodge, Kosmos

Galagos Lodge is 'n **** plekkie, wat beslis aan te beveel is vir sy pragtige uitsig oor die dam. Lekker vir daai skelm wegbreek uit die woelige stad. Kosmos is baie rustig, voel soos die Kaap, net met 'n baie stil see.... Ek en Bella het 'n aandjie hier geslaap vir ons 15e herdenking, 1 Februarie 2012. Saam met die uiteet by Silver Orange Bistro, 'n perfekte aand uit.

Silver Orange Bistro

Silver Orange Bistro by Hartbeespoortdam is hoogs aan te beveel. Fyn cousine word voorgesit, maar in boere porsies. Hulle voor en nagaregte is hemels, ek het nog nie beter elders gehad nie. Die atmosfeer is amper Stellenbosch, glad nie kommersieel nie. Die is 'n klein bistro, met net 'n paar tafels. Die plek hang vrot van pryse gewen die afeglope jaar of wat. Dit is ietwat na die duur kant, maar beslis die moeite en geld werd. Ek en Bella het vir ons 15e herdenking hier geeet op 1 Februarie 2012. 

Greding, 6 - 8 Feb 2012

Was vinnig weer in Greding vir MIP saam met Alex en Surel, beide se eerste keer by MIP. Lekker koud, maar die sneeu bly darem mooi. Die koudste wat die kar se meter gewys het was so -16.

Oppad na Munich op OR Tambo

Vir nog 'n besoek aan Greding, waar die sneeuvlokkies tans koudkry...

Erg begeerlik - Fiat 500 bostukloos....

Ek kan al die uitroep hoor, Bellissimo Cinquecento !!! En dit vir net R175k! Sjoe.

Mooki Noodle Bar, Berea, Durban

Mooki Noodle Bar is 'n klein Sjinese restaurantjie, weggesteek in Durban. Mens kan egte Sjinese bier daar drink, en verskeie soorte handgemaakte noedels eet.

Greding, Duitsland

Lekker koud, so tussen 0 en 6 grade meeste van die tyd. Die uitsig uit my kamer 11h00 in die oggend...

Duitsland is mal oor Kersfees en Kersfees markte...

Een van die best Dunkles biere wat ek nou al gehad het. Glossner is beslis bo-aan my lysie op hierdie stadium. Het hierdie een by Gasthof Krone geniet.

Hierdie was baie lekkerder as wat dit op die foto lyk.....otjie in een van die vele vorme waarop die Duitsers dit voorsit (Gasthof Krone).

Greding in die aand...

Darem lekker om saam met die Swede te kuier in Greding, hulle is baie vriendelike mense, al was hulle Vikings! Hulle was darem meer as 200 jaar gelede in 'n eie oorlog..... Bellingries is net buite Greding, oulike dorpie, met 'n lekker Italiaanse restaurant.

Ester, Staatsteater

Sjoe, dis al 'n rukkie terug, maar Ester die Musical in die Staatsteater saam met die kinders was jou werlik waar die moeite werd. Veral ook omdat dat die manne se eerste maal daar was. Die produksie was baie professioneel gedoen en die stel tegnies uitnemend. Beslis aan te bevele, en lees maar gerus die verhaaltjie gou voor die opvoering, dan volg mens baie maklikler. Saam met die hele familie, agter heel bo in die teater. 

Afri-Talia, Atterbury Teater

Neewat, as mens Afri-Spaans gesien het, is Afri-Talia maar ietwat teleustellend... Ons het dit saam met die Standers en Ma Lenie gaan kyk met groot afwagting in die splik splinternuwe Atterbury Teater. Die tema was meer Rock-a-Roll, maar omdat net een sanger opgetree het, en vir 'n taamlik kort vertoning is dit maar aan die flou kant. Die gehoor het nou ook nie heeltemal saamgespeel nie. Afri-Spaans was meer van 'n musical, waar hierdie gewone band optrede is. Hoop nie die volgende in die reeks is ook so flou nie, dit sal regtig jammer wees. 

Facebook...

CH2 en die UP Simfonie Orkes

Ek en Bella het uiteindelik CH2 gaan kyk (11 Sep 2011). Nog beter vir my was dat dit saam met die Universiteit van Pretoria se Simfonie Orkes was. Die hoogtepunte was sonder twyfel Recuerdos de la Alhambra en Cavatina, ook bekend as The Deer Hunter. Ons het hulle voorheen ook in Afri-Spaans gesien, maar dit was net 'n lusmakertjie.