Dilbert

Dilbert

Mielie braai bolletjies

Dilbert...

Marthie se mieliebrood muffins/brood

Hierdie by Hildegarde gekry - het dit as braai bykos bolletjies gemaak - groot treffer!

500g self-raising flour
knippie sout
1 eier
blik kondensmelk
blik soetmielies

Voorverhit oond tot 180 grade C.
Meng alles saam en as dit te dik is, voeg melk/water by.
Bak 25min vir muffins en so 40min-1h vir brood.

Ongelooflik, parcour met 'n fiets....

Erg begeerlik...

Audi e-tron

Eerste skooldag vir 2011

Nuwejaar, 2011

Sjoe, 2010 is uit met 'n lekker bord tuisgemaakte Sushi, en 2011 ingelei met ons gunsteling brekvis, en verder gevoer met 'n elegante ham risotto. Die tweede dag van 2011 het ons 'n varkie in die oond gehad, met nog 'n gunsteling nagereg.... 2011 is op 'n hoe kullinere noot begin!

Desember 2010 Vakansie - MIdlands, Winklespruit, Bloemfontein

Jawel, daar is ons vakansie nou ook amper heeltemal oor, nog net my laaste wekie van verlof wat voorle. Nou met my buitetafel projek klaar, en so paar klein goedjies rondom die huis... Midlands se 3 nagte by Beaconvlei was absoluut die moeite werd, en beslis aan te beveel. Onthou net dit is 'n gasteplaas, en nie gastehuis of hotel nie. Alex, die eienaar is baie vriendelik en baie behulpsaam. Dis ook hoogs aan te bevele om een van die Midlands Meander boekies te kry - Alex het sommer vir ons een gegee, maar dit kos net R5. Die boekie is baie akkuraat, ons het net twee goedjies om by te sit - Die winkeltjies by die Howick valle is nie deel van die Midlands Meander nie, maar baie beslis die moeite werd, veral die tweedehandse winkel wat twee vloere van 'n houtgebou beslaan. Mens kan dae daar spandeer om te snuffel. Soortgelyk is die Lion's River Trading Post, hoe gehalte snuffel materiaal, en beslis die stop werd. Boonop is dit 'n baie mooi pad soontoe (uitsig gewys). Die tweede is dat een van die skoen/leer winkels (Agape Footwear) toe is, en geskuif het na Pietermaritzburg. O, en die Organiese Winkel op die selfde pad as die Karkloof Farmer's Market (wat net Saterdae oop is), is nog nie regtig in bedryf nie. Baie spyt ons het die lg. gemis, dit lyk baie belowend op die kosfront. Dit is ook die moeite werd om na die Karkloofvalle te gaan kyk, dit is beslis mooier as die Howick valle. 'n Bakkie of 4x4 is egter dalk 'n beter opsie as 'n kar vir die paadjie soontoe, maar mens sal kan regkom. Daar is heelwat aan te bevele op die Midlands Meander (in geen spesifieke volgorde):

1) Michaelhouse - Spud was ook hier verfilm, gaan kyk gerus na die asemrowende gronde, werklik besonders

2) Nottingham Road Hotel - Die hotel is ietwat afgeleef en kort aandag, veral binnelangs, maar die kos is baie billik en regtig goed.

3) Groundcover - vir leer en skoene

4) Nottingham Road Junction - net 'n lekker plekkie

5) Happy Hills - nog net 'n lekker plekkie, en goeie Fudge

6) Caversham Mill Restaurant vir 'n lekker brekkie met 'n mooi watervalletjie.

7) La Lampara Italiaanse restuarant, skynbaar wyd bekend vir die kwaliteit. Hulle pizzas is ook baie goed. Nie goedkoop nie. 

Van Midlands is ons na Winklespruit, Ocean Breeze Nr 36, en van daar terug na Pretoria via 3 nagte in Bloemfontein. Gelukkig het ons oor Clarens gery - Goldengate is asemrowend in die somer. Ons het saam met die Standers by Valley Cats op Clarens geeet. Lyk my hulle het nuwe eienaars na die skuif. Kos is nie so goed soos laas nie...

Vir nog foto's kyk gerus op my Facebook

Wiskunde en die Liefde...

Struwig Eco Lodge

View Van Plekke en Reise in a larger map

'n Baie lekker bosplekkie, maar vrek warm omdat dit naby Hoedspuit en Phalaborwa is. Ons was hier as die eel van die Sep 2010 Kerkkamp en het heelwat diere gesien. 

Ons het via Tzaneen soontoe gery en oor Dullstroom teruggekom - in beide gevalle lekker geeet. Die plek wat net buite Tzaneen is, verkoop van daardie m*erse hamburgers wat 'n hele bord volle^. Vervloee" dae was daar op Tzaneen 'n roadhouse wat dit altyd verkoop het - wonder of dit enige verband het?

Vir nog fototjies

Koekela, Bloemfontein

Koekela is 'n baie koel eetplekkie in Bloemfontein met regte sewentigers kitch as tema...die kos is egter nie kitch nie, uistekend en vrek billik daarby. Baie klein met min tafels so as jy plek kry is jy gelukkig. Die plekkie is ook goed weggesteek in President Steyn tussen 2e en 3e laan. . Ek Bella, Anrich, Franko en Ouma Lenie was daar vir 'n middagetetjie (27 Sep 2010). 

Vir nog fototjies

Sjef Laroux se Paella Interpretasie

Ek het hierdie resep op gevoel probeer maak, nadat ek 'n wonderlike Hoender Paella in Greding geeet het. Het so biejie met Google rondgesoek vir idees, en toe maar op hierdie lysie van bestandele besluit. Ek sal volgende slag probeer om tamatie of tamatiepasta of selfs dalk songedroogde tamaties by te sit.

Olyfolie
1-2 Huisies Knoffel of knoffelvlokkies
1 Ui fyngetjop
4-6 Hoenderborsies gesnipper
1 Rooi Soetrissie blokkies
1 Groen Soetrissie blokkies
1-2 Koppie Witrys
1 Lourierblaar
Saffraan, of as jy nie het nie, neutmuskaat en Paprika
2 Koppie Hoenderaftreksel
1 Koppie Witwyn
Tiemie
Sout
Swart peper
Chorizo skuifies
Mossels
Koppie Gevriesde ertjies, of so bietjie minder, op gevoel
Suurlemoenskil
Pietersielie

Die volgorde is maar die gewone, en baie naby aan die Italiaanse rysverassing wat ons gereeld maak...truuk is blykbaar die korsie wat die rys aan die onderkant moet vorm.

Die resultaat was heel lekker, maar ek sal beter kwaliteit Chorizo as Pick 'a Pay s'n probeer of selfs russians.

Ek moet ook erken die selfoonfoto lyk nie so goed as wat die gereggie geproe het nie...

Greding - Laaste dag

Ek kry nou eers kans om hierdie te blog.... my laaste dag was heel lekker, het via Ingolstadt gery en by die Audi Museum aangedoen. Baie goeie ervaring en beslis aan te bevele. As mens die fabriek toer wil doen moet jy maar lank voor die tyd bespreek. Sien gerus fotos.

My laaste bier op die Munich Lughawe...

Greding Water Wiel

Greding het so 'n klein kanaaltjie wat ook 'n water wielietjie het, kompleet met eendjies wat rond kwaker.

Greding

Vandag was my laaste dag by MIP, maar ek ry eers more terug lughawe toe. Oppad wil ek by die Audi museum in Ingolstadt aandoen.

Greding

Wel, wel, vandag het ek egte Duitse kossies geniet, Vark, Rooikool en kluitjies met so suurerige sousie. Nie helemal my koppie tee nie, maar ek moes. Ek ry moet so klein Pandatjie rond, gelukkig, want ek sukkel nog steeds om van die gevoel ontslae te raak of die kar van regs na links gaan oorrol op sy sy. Dit voel kompleet of hy net daar gaan omslaat. Dalk help die grootte van die kar nie.... maar dit help met aan die verkeerde kant van die pad ry...

Het vanaand spaans geeet, omdate die een spanjaard na 4.5 jaar weggaan by MIP. Daar was slaai, tapas en natuurlik 'n paelle wat regtig goed was. Heelwat Sangria het die rondte gedoen, met 'n gewonerige Duitse poedingkie. Die hoogtepunt van die aand was so drie Pacharan Zoco shooters - absoluut lekker. Dit is baie goeie kompetisie vir 'n staatmaker Jaegermeister.

Greding

Moet se^ die kos hier in Greding is baie goed. Het vanaand as deel van die self-betaal MIP sosiale geleentheid by die enigste Griekse restaurant in Greding geeet. Pyraser bier, ouzo en souvlakie later was ek heel versadig. Die kos word goed voorberei, en die mense is glad nie skaam met hulle porsies nie. Lekker gesels met 'n Switser, Amerikaner, Swede en Franse. En wat 'n aanvallige Duitse kelnerinnetjie - sy vat nie gevangenisse nie. Die eienaar is ook vol streke en toe lyk die een Sweed nes hy, ook met 'n lekker pankop. Moet se^ die mense is aangenaam, en die MIP mense ook.

View Larger Map

Greding

My tweede dag in Greding het baie glad verloop...moes maar werk, maar het aan die einde van die dag na een van die ander hotelle, Hotel Bauer-Keller, aan die ander kant van die snelweg (A9) gestap. Daar het ek 'n Vark Cordon Blue geniet wat darem vir jou uitstekend was. Dit met 'n lekker ou biertjie, Winkler Brau Kupfer Spezial, maak die aand soveel beter. Ek het lekker met een van die Noorweers gesit en gesels terwyl hy vir sy span gewag het. Met so 2-skep Italiaanse roomysie het ek die aand perfek afgesluit....sal heelwat moet draf as ek terug in SA is!

Ek het vandag ook 'n interessante alternatief vir Coca Cola gedrink, Pyraser Cola-Mix, baie lekker, wens ek kon dit in SA koop (ook die biertjie).

Nog so paar fotos wat ek gister geneem het...

St Martin Basilica

'n Deel van die stadsmuur

'n Paar mooi dakke, met die Rathaus se toring (of die gebou reg daar langs)

Hildegarde se kortpad Briejanie...

Die brijanie resep is baie maklik...ek gebruik PnP se "Rice meal - breyani". Jy maak 400g lam/hoender/groente gaar met 'n bietjie olie 'n pan. Dan gooi jy nog klein bietjie olie en die seasoning pakkie by. Dan gooi jy die pakkie rys en omtrent 900ml water by, roer, laat simmer vir so 45min. En dan't jy brijanie vir 4 mense. :)

Franko se Stone Hedge...

Greding

Jawel, daar is ek nou in Greding vir MIP. Het redelik maklik reggekom met die linkerhandstuur Fiat Pandatjie, darem net so een keer te vinnig 'n afrit gevat en moes omdraai van Muenchen Flughawe af. Greding is 'n klein ou dorpie met redelik min te doen, Vanaand gaan ek gou na 'n orrel en trompet optrede luister in die kerk op die heuwel (The Basilica of St. Martin). My hotel, Hotel am Markt is baie gerieflik, op die markplein, en het selfs verniet internet, alhoewel met 'n redelike op-en-af wifi konneksie. As ek met my linkervoet op die toilet staan is die konneksie stabiel. Maar ek kon darem hierdie pos. Ek het vanoggend lekker koffie gedrink op die plein in die son, en 'n schnitzel geeet by die plek oorkant my hotel.

Die trompet en orrel uitvoering was voortreflik, en nogals verniet. Alexander Pfeifer (trompet) en Frank Zimpel (orrel) se weergawe van Franz Schubert se Ave Maria het sekerlik die Engele trane laat wegpink. Die gladde, soepel, trompetklanke vloei deur die lee" kerk se akoestiek, Baie mooi.

Anrich die tandlose

St Paulus Wetenskapdag Augustus 2010

Franko het spaghetti bruggies gebou om te demonstreer dat driehoeke sterker as vierkante is..... Anrich het bewys dat kerse suurstof gebruik....of ten minste iets wat water opsuig as 'n mens 'n glas oor die kers sit ;-)

Vetkoek Brood

Vetkoek Brood 

Ingredients

 

• 1
  kg
  vetkoek dough
• 1
  cup
  brown sugar
• 250ml
  cream or condensed milk

 

Method

 

Buy vetkoek dough from Spar, grease a baking dish. Roll vetkoek into balls, place in greased dish. Sprinkle over brown sugar (1 cup) Add cream or try condense milk for a sweater taste. Bake at 180 for 15 minutes until golden brown. Serve as starter or with the braai.

Gastronomiese Nirvana - Moskonfyt

Ek en Isabel het toevallig nou die dag 'n botteltjie moskonfyt, nogals van 'n Le Roux plaas af, ontvang as geskenkie. Niks ongewoons hieraan nie, behalwe dat dit ons eerste kennismaking is met regte moskonfyt. In elk geval, aan die einde van een van ons etes, kan nie meer onthou wat ons die weeksaand gebrou het nie, kry ons baie lus vir 'n lekker poeding. O, ja, dit was varkie, met gebakte appels en een of ander groente. Weereens niks ongewoons hieraan nie, behalwe dat, as gevolg van 'n klein kommunikasie foutjie, is die gebakte appels eers teen die einde van die ete gereed. Dit was gewone, blosende Royal Gala appeltjies van Woolies, met elk so klein bietjie rosyntjies bo-op gestrooi, niks esktra suiker of molasse nie. Vir een of ander rede kry ek toe die blink idee om die appels met 'n klein skeppie Madagascan Vanilla roomys, ook van Woolies, te geniet. Amper op dieselfde oomblik besef ek en Isabel dat die moskonfyt mos die beste stropie sou maak wat mens oor die appels, rosyne en roomys kan drup. Ek vermoed as mens een of ander beskuiterige iets bysit, sal hierdie kombinasie sjefs en kokke van regoor die wereld beindruk. Probeer gerus, dis mos nou pure poeding!

Fanus se plaas...

Ons het heelwat plaas aktiwiteite hier op Fanus se plaas gedoen, van stap om Boesman tekeninge te gaan kyk in die klofie, fotos neem van al die mooi kliphuisies, beeste brandmerk, skape spuit, perdry en waterpype fieks tot kaartspeel. Ons het lekker gekuier, geeet en sokker gekyk, en sommer al die skoon lug geniet. Die seuns het moeg in die aande gaan slaap...

Franko en Anrich voor die ramstal op Fanus se plaas net buite Aliw al-Noord

Ek, Franko en Anrich het van Saterdagmiddag by Fanus kom kuier. Lekker plaasdinge vir die seuns.

Spaghetti Bolognaise a la Herman

Hillendale sorg sentrum

Oupa is hier na die hospitaal. Anrich reken hierdie is white wall tyre headed ducks...

Witkant bande vir Anrich

Ou karre

Voriberg 2010

Ek, Fanus en Reuben het vanoggend die Voriberg 35km bergfiets ren gery. Die roete is verander van laasjaar in die sin dat dit nie opdraandes het nie, maar wel baie lekker enkelspoorpaadjies. Die roete was ook eerder 32 as 35km. Heel lekker om te ry. Ongelukkig is die feesdag nie meer deel van die rendag nie, maar daar was darem lekker hamburgers. Herman se tyd was 1h53. Herman se fiets rekenaar wou nie vandag meet nie... Herman het ook darem net een keer geval en lig daarvan afgekom.

Bella se dans...

Bella oefen danspass, en Franko en Anrich help...

Franko en Anrich en Zakumi

Ons twee sokker ondersteuners!

Ouma en Oupa sit op die stoep...

Moedersdag 2010

Ons het by Meel in Bloemfontein geeet - 'n heel aangename plekkie in die Rosestad - nie te groot nie, en glad nie kommersieel nie. Dit is regtig 'n aangename plekkie, tog so bietjie duur, maar heel verteerbaar vir die brekvis wat ons daar geniet het. Die kinders het ook daarvan gehou, en Ouma was baie bly oor haar keuse vir die dag. Meel het 'n Franse geur.