Nataniel, Four Winter Concerts, Centurion Teater

Ons het gisteraand vir ou Nataniel by die Centurion Teater gaan kyk saam met Johan, Charmain, Karel, Corne, Doep en Rone. Soos verwag het ou Nat ons laat skaterlag met sy raak beskrywings van normale dag tot dag lewens. Maar telkemale bring hy jou terug tot die werklikheid met 'n opmerking wat maar diep tref... Ons laaities het sommer by die Standers vir die aand gekuier.

Ons eie Woody!

Jip dis Franko wat nes ou Woody lyk vir hulle

gunsteling boeke karakter by die skool.

How'd partner!

Kyk na my nuwe breg fotos

My nuwe breg fotos op GooglePages

Istanbul - Ethopiese Mark

Ons het 'n paar van hierdie winkeltjies gesien - hulle verkoop meesal ligte en Bubblies.

Istanbul (Vrydag)

Aag vrek, daar is dit ook nou klaar....met so 'n dag wat jy moet lughawe toe kan jy nie veel doen nie. Vir 'n laaste koop terapie sessie deur die Cevahir Mall. Van daar na die lughawe. Ons koop hier ook 'n laaste item of twee - ek het net kans gesien vir 'n pak Lokum - Turkish Delight. Die lughawe is flippin duur - tot 5 maal die gewone pryse. Selfs die Burger King se pryse is dubbels van die in die stad self.

Op Munchen het ek en Dirk gou eg Duitse biere afgesluk - Weisbier en nog iets anders wat ek nie kan onthou nie. Darem teen 2.30 euro vir 500ml bier.

Ek het sommer al my fotos op Picasa gelaai, net voor ons by die hotel vertrek het.

Istanbul (Donderdag)

Jawel, die laaste dag wat ek regtig behoorlik kon rondloop het baie interessant uitgedraai. Ek en Dirk het na so 25mins die tutorial vaarwel geroep, bloot ook net as gevolg van toevalligheid. Hulle het nie 'n video projektor gou genoeg kon reel nie, dus kon ons vrae vra. Die tutorial is maar eintlik 'n produk advertensie van 'n stukkie sagteware wat maar kompeteer met Matlab. Dit het ook baie beperkings omdat dit gebou is om parsiele differensiaal vergelykings op te los....

Terug na die dag. Na 'n lang besoek aan die Grand Bazaar, heelwat gekibbel oor pryse, is Dirk heelwat armer daar uit, en ek darem nie te erg nie. Met 'n persent of paar is ons na die Sofia. Voor dit moes ons net eers van die gebraaide mielies koop en in die Hippodrome sit en eet. Te lekker, wonder wat die ou Romyne daarvan sou se^....

Die Sofia is anders as al die ander Kerke wat ek nou al in Europa gesien het. Dit is massief, en is ook in die vroeg 500's gebou. Dit het begin as 'n kerk en opgeeindig as 'n moskee. Tans is die 'n World Heritage sit. Die binnekant is rof, maar tog ook mooi afgewerk. Daar is pragtige mosiakwerke van Christelike figure in! Van hier af het ek en Dirk eers Turkse pizza geeet, sulke baie dun pizzas met min maalvleisies op, en goed opgewarm met tjillies en anders plantdiertjies wat mens ampers terugbyt. Ons het maar besluit om gou iets te hap, terwyl ons deur nog 'n kleiner tipe bzaar geloop het. Ek vermoed dit is die Ethiopiese bazaar. Vandaar het ons nog so paar straatjies verken en oor die brug terug na ons hotel kant van Istanbbul geloop.

Ons het besluit om die bult aan te durf na die Galata toring. Teen hierdie tyd het ons al heelwat lire gehoes - die meeste plekke is so 10 of 20 lire, wat mens met 6 maal vir Rande. Maar wat 'n verassing was die toring nie. Istanbul is pragtig van daar bo. Ons het seker 'n goeie uur daar staan en tuur vir die ou, maar interessante stad. Dit is nie 'n afgeronde stad nie, ook nie fyn afgewerk nie, maar met 'n lewe wat na meer as 2000 jaar steeds hard skop. Ek sal beslis wil terugkom, want daar is nog soveel wat ons nie gesien het nie. Mens kry ook 'n goeie begrip van die omvang van 'n stad wat 10m mense huisves.

Maar lekker moeg en pootuit mik ons vir die Galata brug. Die boonste vlak vat die karre en trems, en die onderste vlak huisves tiene van restaurante. Ons het by een vasgehaak, 500ml Efes bier afgesluk, met Calamari en vis. Dit alles met die son wat aan die een kant ondergaan.

Om terug te kom tot by die hotel, moes ons weer op die trem, Funicular en metro. Net gou eers weer 'n baie kort draai geloop by Taksim om roomys teen 5 lire te koop. Turkse roomys is so taai en trek so as mens dit eet, maar is tog lekker. Die ouens wat jou cone bou terg jou want die roomys word met sulke lang dun ysterspaantjies in die cone gestop. Die roomy plak dan half aan die spaan vas en as mens dit wil vat pluk hulle dit weg, swaai dit rond en druk dit teen jou neus..... My ondervinding is die Turke is regtig vriendelik, en baie behulpsaam. Hulle vat toeriste in hul dag-tot-dag doen en late, en lyk nie gepla daardeur nie.

En dan is die Turkse meisies darem glad nie lelik nie, mooi gebou, donker hare en donker oe" - ai nou verlang ek sommer ekstra na Bella....

Istanbul (Woensdag)

Het vandag maar al die papers deurgesit, 'n tutorial gedoen, en darem met 'n paar belangrike ouens gesels/kontak gemaak. Het vanaand so bietjie op my eie weer gaan ronddrentel in die straat tussen Taksim en Tunel - die hoeveelheid mense wat daar loop is eintlik skrikwekkend. Mens raak nie daaraan gewoond nie. Ek wou na die fort toe gaan, maar het uiteindelik besluit dat dit dalk nie in die aand gaan oop wees nie.

Ek beplan om more nog 'n tutorial by te woon, en net na dit na die Grand Bazaar te gaan. As daar nog tyd oor is, sal ek na die Sofia gaan, as Dirk reken dis die moeite werd - Hy was Woensdagaand saam met die Fransman soontoe.

Istanbul (Dinsdag)

Jawel, daar is my paper (09E-SIW-005) ook darem nou klaar aangebied. Dit het baie goed gegaan, en ek het darem so 3 vrae gekry. Nou is dit net die Gala aandete wat voorle vir die aand.
Ek moet se^ dat Istanbul vol verassings is - ons het gisteraand per bus vanaf Grand Cevahir na Besiktas gery, en daar op 'n boot geklim. Dis alles deel van die gala aandete van die konferensie. Vandaar het dit rustig al langs die kus gevaar in die rigting van die twee imponerende suspensie brue. Waar ek voorheen gedink het Istanbul is nie so mooi nie, wel hier is die prentjie mooi - veral in die laatmiddag son, en dan later in die donker. Die een brug is verlig met duisende liggies, en dan is daar die verskriklike fensie hotelle, almal met sulke opelug restuarante reg teen die water. Party het selfs groot vure in bakke op die kant. Dit is ook duiseligwekkend hoe groot Istanbul regtig is. Volgens Wolfram Alpha het dit 9.7m mense - mens kan dit sien!

My opinie dat Istanbul nie eintlik 'n mooi stad is nie, is nou heeltemal anders nadat ons al langs die bosporus gevaar het. Dit blyk dat ons hotel eintlik in die armer deel van die stad is.....alhoewel die hotel redelik fensie is. Ek het van die mooiste tonele gesien al langs die rivier af. Iets wat werklik besonders is, is die fort, Rumeli Hasari. Dit is baie mooi belig in die aand.

terug na die boot, hulle het vir ons sulke lekker vissies gebraai - elkeen kry 'n hele vissie, met kop en oe en al. Dit smaak sommer vorentoe. Die Turke is baie lief vir tamaties, komkommers, waatlemoen en olywe. Hulle sit dit ook saam met elke ete voor.

Soos gewoonlik is daar 'n paar wat so effens uithaak, maar niks slegs nie. Die kaalkop Kanadees het lekker begin dans, bo-op die boot, wat met liggies versier was. Dis vir my altyd vreemd dat mense wil he^ jy moet dans as daar meesal net 'n klomp mans, hoofsaaklik ingenieurs en wetenskaplikes, is. Die paar vrouens wat daar was, het probeer wegdeins vir die Kanadees en het so nou en dan 'n poging aangewend om te dans. Die effens aangeklamde konferensie sekretaresse het heel paartiedier getrek, en woes begin dans. Dis nou totdat die een Griekse girl vir almal met haar baie stywe wit, deurskynende spanbroek gewys het hoekom die girls van hierdie deel van die wereld bellydans - sy het so iets tussen baie suggestiewe en pensdans gedoen.....kyk al die manne het nader gestaan en lekker gekyk. Sy het nogals guts gehad moet ek byse..

Soos met elke trippie, is daar altyd iets onvergeetliks aan - die vaart op die Bosporus val beslis in die bokant van daardie kategorie - Istanbul is betowerend van die water se kant af.

Istanbul (Maandag)

Wel, ons is nou volstoom aan die gang met die 2009 International Simulation Multiconference, waarvan die 2009 European Simulation Interoperability Workshop 'n deel is. Ek het ook die Fransman, Jean-Pierre raakgeloop - die enigste van die bekendes van vorige EURO-SIWs. Net ou Duncan Miller is ook nog daar. Die keynote van Dr Oren was regtig een van die meer toepaslike openingsaanbiedings wat ek al gesien het. Sy aanslag is baie meer gedraai na die filosofiese kant van M&S, iets wat Jan Roodt sal waardeer. Ek het probeer om sy PPT file te kry, maar hy was haastig oppad na een of ander vergadering. Sal deur sy webblaai by University of Ottawa probeer. Ek en Dirk het gou 'n regte Turkse middagete gaan doen - Bees Doner. Heel lekker, en teen 6.50 TL nie te duur nie. Vanaand het ons die konferensie drankies, en more aan die gala aandete en toer.

Ek het gou so bietjie gaan shop by die Cevahir Mall, nie ver van ons hotel af nie. Het darem iets gekry vir die hele familie se gebruik, en ook iets wat Bella graag sal wil gebruik... Die mall is seker so klein stukkie kleiner as Menlyn, maar nogals indrukwekkend. Dit is een van die medium grootte malls in Istanbul. Nou met ek net die presentjies veilig by die huis kry....

Istanbul (Sondag)

Wel, ek het amper hierdie blog onder die invloed geskryf....vandag het heel anders en baie interessant uitgedraai. Die plan was om na die Grand Bazaar te gaan - iets soos 50 strate onder dak met 6000 winkels. Wel, daar aangekom nadat ons per metro trein, nuwerwetse trem, en 'n funicular (weet nie die Afrikaans vir 'n trein wat teen 'n baie styl bult met kabels opry nie) gebruik het, het ons gevind dat dit op Sondae gesluit is. Ons het so klein voorsmakie gebry - een straat wat soos 'n Montana Trader's Square snuffelmark lyk. Was so ietwat teleurgesteld, maar toe besluit ons om maar al langs die treinspoor terug te stap. Daar was vcrskeie interssante winkeltjies, maar nie regtig iets wat mens nou opgewonde wou maak nie.

Volgende het ons na die sg. blue mosque begin soek, dit gekry, maar nie kon ingaan nie, want ons het beide kortbroeke aangehad. Mens moet 'n langbroek aanhe^ om by 'n moskee in te gaan. So van buite af geloer. Volgende het ons deur die paleistuine gestap, en ook gepiepie teen seker so R5 in die tuin - mens betaal duur vir regtig onaangename toilette in Istanbul. Maar nou ja, as mens moet gaan, moet jy...

Die een ding wat mens baie opval van Istanbul is die omvang van die plek - alles is groot en wyd hier, en hier is flippin baie mense - die paleistuine is nie klein nie - die wandellaan is baie lank en daar is duisende mense wat rond drentel, kuier, lag, eet, en alles wat jy aan kan dink, doen. Ek het darem lekker na Bella verlang in die tuine - aan die een kant is daar 'n ietwat meer private laan, met sulke hout pergolas waar die jong turke sit en vry - natuurlik alles met klere aan, maar heel warm vir so 'n ou kultuur.

Op soek na die Hippodrome, 'n plekkie waar die Romyne hulself vermaak het in so 230 nC, het ons by die Basilica Cistern ingegaan - dit is asemrowend....die Romyne het dit in 5oo iets nC gebou, met 'n aquaduct wat water van 19km ver vervoer het hierheen. Die hele ding is ondergronds, en beslaan 19,000 vierkante meter - onbeskryflik. Sal later die fotos pos.

Teen hierdie tyd is ons alreeds baie pootuit, maar met 'n Doner broodjie en 'n watertjie agter die rug, het ons die historiese museum besoek - baie goed, met heelwat stukke wat uit 2500 vC dateer. Daar is soveel dat mens naderhand maar baie moeg net aandrentel. Daar is honderde sarkofage, standbeeeld, kolomme, bakke, kruike, ens.

Van hier het ons die brug beloop tussen die Europese en goue horing dele van Istanbul - die honderde vistermanne wat sulke klein vissies vang is baie snaaks. Die hele brug is in twee lae - een daarbo vir die verkeer, en een daaronder vir verskeie restaurante - almal wat mens baie ywerig probeer oorreed om aan te sit.

Ons het maar voortgedruk, oor die brug gestap, en by 'n baie interessante boot restuarant geeet. Mens sit op sulke klein stoeltjies en tafeltjies, terwyl die kombuis van die restuarant op 'n boot is. Die 4 manne in die kombuis bak net vissies wat hulle dan op 'n broodjie met tamatie en uie sit. Die boot hel by tye seker teen meer as 30 grade oor na die kante agv die golwe op die water, maar die manne bly staan asof die boot nie beweeg nie. Dis vrek besig, vrek raserig, en die vissies op brood kos maar 4 TL. Nie duur nie, maar mens voel so Turks as kan kom, as jy dit doen, omdat dit so wemel van Turke dat jou kop naderhand draai....

Van die besige boot kombuis, en 'n langerige stap terug by 'n baie informele plekkie eers weer appeltee gedrink. Van hier moes ons weer per funicular terug na Taksim square, waar ons weer so klein stukkie gewandel het in die laan wat Taksim en Tunel verbind. Ons was nou doodmoeg, en het eers bier gaan soek. Teen 4 lira per 500ml en 5 lire teen 700ml, het ek so 1.2L en Dirk so 1.4L Efes bier gedrink - die local Turkse Pilsner. Baie lekker ligte bier. Met 'n Turkse live band, rock/blues, in die agterkant van die Bar/Cafe, het ons behaaglik geteug aan die senior biere. 'n Perfekte afsluiting vir seker 20km se stap deur die stad. Met die laaste treinseksie terug na Sisly square, het ons met baie selfvetroue die pad die keer terug gestap hotel toe. Soos ek vir Dirk se^, ons het hierdie deel van Istanbul vanaand gewen, ons verstaan nou.....Teen die tyd wat ons by die hotel aangekom het, het my kop nog lekker gedraai van die 1.2L bier. Maar na 'n lekker lang telefoon gesprekkie met Bella, was my koppie weer reg, en kon ek hierdie heel nugter tik.

Ai, vandag was een van daardie dae in 'n ander wereld, wat mens net weer besef hoe klein jou wereldtjie kan wees. Dit was een van die lekkerste dae wat ek nog in 'n ander stad beleef het, net jammer met my familie so ver.....

Istanbul is nie 'n mooi stad nie, maar een van die meer interessante kulture. Die mense is vriendelik, help mens maklik, is rustig en ontspanne, en dit is net lekker om hier te wees - ten spyte van die taal verskille, voel mens tog welkom.

Istanbul (Saterdag)

Ek en ou Dirk, 'n kollega, het so net na 12h00 in ons hotel aangekom na 'n vlug via Munich. Moet se^ dit is die vinnigste visum wat ek nog ooit gekry het....mens koop dit sommer op die lughawe (Ataturk) teen 10 Euros en dit het my presies 17.8 sekondes geneem....nerens het ons gewag nie, behalwe so klein bietjie vir ons tasse. Die hotel het ons laat oppik, Grand Cevahir. Ons woon die Summer European Computer Simulation konferensies by - eindelik net die SISO een, oftewel EURO-SIW 2009, waar ons beide papers moet aanbied.

Nadat ons gaan stort het, en so bietjie opgevars het, het ons besluit om 'n draai te stap. Die eerste poging was redelik goed, en ons het by 'n vars produkte mark verbygestap, waarby ek dadelik 'n halwe kilo vars kersies moes koop. Ons het toe maar die aftog moes blaas, omdat ons ons self vasgeloop het in doodloop straatjies, groot areas waar hulle bou ens. Na so bietjie naspeur werk op google maps, het ons toe op Taksim square besluit vir aandete. Na seker so 5km se stap het ons weer in snelwee ens vasgeloop en toe maar uiteindelik moes toegee deur 'n taksie te deel teen 20 lire.....By Taksim aangekom het ons so bietjie rondgeloop, en toe maar op 'n eetplekkie besluit. Die waiter daar was verskriklik vriendelik, sodat ons selfs 'n foto saam met hom geneem het. Hulle het ook vir ons gratis Turkse tee aangebied na ons maal, wat regtig baie lekker is. Mens drink dit uit sulke baie klein glas bekertjies, swart en baie soet. Hul tee proe egter nie soos Vyf Rose nie, baie lekkerder. Ek sal maar seker vir Hillie so pakkie moet koop....

Iets wat nogals onverwagd was, is om soveel shackerige huisies te sien in dele van die stad. Dit is werklik klein bouvalletjies, wat selfs slegter gebou lyk as die informele behuising wat ons in Suid Afrika aan gewoond is. Die plekke lyk asof dit gaan wegspoel as dit net 1mm gaan reen....

Daarna was ons oppad terug, maar besluit toe om nog so draai te stap. Daar kom ons toe op die wandellaan van seker 3km af, tussen Taksim en Tunel squares. Daar is seker 250 000 mense wat rondloop - dit is ongelooflik, ek het nog nooit so baie winkeltjies en mense saam op een plek gesien nie. Daar is duisende klein eetplekkies, party met live music, so dit 'n swetterjoel van mense en 'n kakofonie van klanke en geraas. Na dit, moes ons eenvoudig net op die trem van Tunel terug na Taksim ry. Hier ontdek ons toe ook die baie gerieflike metro trein stelsel van Istanbul, en ry met dit terug na 'n stasie wat klink asof dit naby ons hotel is. Ons hotel is 'n redelike landmerk in die omgewing, maar ek was nog nooit so verdwaal in my lewe nie....jy het nie 'n kooking clue hoe om te loop nie, en die stadskaart het nie daai stukkie van die detail op nie...ons klop toe maar by 'n plekkie aan, wat lyk soos die kantore van die busbestuurders. Die een roep ons nader, en vat pad soos 'n vlakhaas oor besige strate....hy neem toe uiteindelik stelling in, in sy bus, en beduie ek en Dirk moet opklim....ons wil net geldjies begin uithaal, waarop hy beduie, nee los die geldjies sit nie. Al die ander Turke wat opklim, betaal wetsgehoorsaam....Die bus het 'n end gery - ook seker verder was wat ons die tyd van die aand wou stap. By een van die haltes beduie die bestuurder ons moet hier af. Ons klim toe maar af, effens steeds verdwaald. Met die opkyk, kyk ons reg in die hotel vas. Ek se^ vir hou Dirk, ek is bly om die hotel te sien, ek het al gesien hoe ons op 'n park bankie slaap vanaand.

Moet se^ ten spyte van al die winkels is dit nogals moeilik om te shop. More wil ons die Grand Bazaar gaan besoek, en sal weer met treine ens moet ry. Hoop ons verdwaal dan minder...

Kyk die netjies manne na 'n haarsny!

Jawat, so kort voor die vakansie moet mens maar die hare laat sny....pasop meisies! hier kom die manne!

Boabab, Diamonds and Pearls

Ek en Isabel het Diamond and Peals by Menlyn Barnyard gaan kyk. St Paulus het dit gereel. Moet se^ dit was heel goed, en die een ou sing so wrintie waar nes die regte Meneer Diamond. Voor die opvoering het ons gou iets by Baobab gaan eet. Isabel het 'n hoender rolletjie bestel en ek die Pork Belly Ribs. Dit was nou wel die 400g porsie, maar soos ek viir haar gese het terwyl ek gesmul het daaraan, voorwaar die beste ribs wat ek nog ooit gehad het. Amper daardie gevoel van die kos resensent gekry toe hy Rat-a-touille se ratatouile geproe het.... Ek sal beslis weer terug gaan vir nog, en dan die groter porsie bestel. En dan is dit nog boonop ook billik geprys met 'n goeie atmosfeer op die koop toe. Beslis aan te bevele.

Keulen (NCW Europe 2009)

Ek is vanaand die laaste aand in Keulen, nadat ek NCW 2009 bygewoon het vir die week. Ek het saam met Kol van Aswegen en Brian Naude per rivierboot na Linz vir die dag gegaan. Die oustad in Linz is pragtig, maar die van Stockholm is vir my mooier. Italie is egter steeds my gunsteling plek tot hede...

Ek, Brian en Charl het vanaand Haxen geeet. Dit is eisbein. Baie lekker maar nou het ek genoeg vark vir 'n ruk geeet. O ja, hierdie inskrywing is via my sel vanuit my hotel se wifi gedoen.

Mooi fotos van golwe....

Goeie ou Dilbert....

Goeie ou Dilbert....

Desember 2008 Kaap Vakansie

Ek kom nou eers daarby uit om die vakansie foto's te laai en 'n kort opsommingkie te maak van ons vakansie:

• Begin met 'n aand of wat in Bloemfontein. Natuurlik wil die twee manne net met Oupa se 125cc ry!
• Op pad na Sutherland, om na die teleskope en naghemel te gaan kyk, ry ons oor Beaufort-Wes. Net anderkant die dorpie lees die Jetta 43.5 grade! Ons het darem hier 'n ou KFC'tjie ook afgelsuk.
• Verby Richmond, die jongste nuwe boeke dorpie in die wereld, koop ons eers 'n ou handvatsel, wat ons nog nie weet waar om te gebruik nie.
• Sutherland was beslis die moeite werd, en die gastehuis wat ons in tuis gegaan het, is absoluut die moeite werd. Nogals sjerrie wat staan en wag as mens aankom. Die sterre kyk was baie lekker, en die geslote konstellasies is beslis iets om te sien deur 'n ordentlike teleskoop. Die oggend toer sluit die hervestigde Pretoria-Sterrewag teleskoop in, sowel as die nuwe SALT - beslis die moeite werd om te sien. Franko het natuurlik sy reputasie gestand gedoen deur soveel moontlik vra te vra in 'n tyd korter as die big-bang.
• Oppad na Piketberg het ons eers by Matjiesfontein aangegaan en by die Lord Milner 'n regte publunch saam met die laaties gehad. 
• Op Ceres gaan nie veel aan nie, en die dorp was heeltemal te besig na die stilte van Sutherland en Matjiesfontein.
• Piketberg toe! daar het ons by die Truters aan huis gegaan vir 'n paar aande. Hulle het ons na Velddrif gery vir 'n besondere aandete by Sunset Seafood en Steak. Ons was ook op Piket-bo-berg, waar ek summier 'n 18 hektaar plasie wou koop. Perfek vir olywe en laventel!. 'n Boot-rit op die Bergrivier en Sondagmiddagete op die stoep by 'n privaat oord net buite die dorp het die ou kuiertjie beslis die moeite werd gemaak. Ons het ook die moewie Crash saam met hulle gekyk.
• Van daar na die plaas, Sewefontein vir 'n paar aande oor Kersfees. Die plaas is besonders, en die eienaars baie gasvry. Philip en (wat is haar naam nou weer)  het uit hul pad gegaan om ons welkom te laat voel. Ek het selfs 'n 95 pinotage gekry omdat daar skynbaar 'n paar teels missing was. Met die aflaai kon ek en ou Jan ook nie ons ogies van die jong dogter afhou nie....te pragtig. Hulle het ons vertel van droe appelkose maak - ons het gaan kyk ook, hoe mens rooibos groei en die tee maak, en van die Boesman tekeninge wat ek en die laaities gaan kyk het. Die huis was lekker groot en omdat dit koeler in die berg is, kon ek elke aand 'n ou kaggel vuurtjie met die lekker houtjies maak wat hulle voorsien het. Ons het elke oggend brekvis op die stoep onder die druiwe prieel gedoen - soos konings! Enigste sleg ding is dat my betroubare Canon PowerShot A80 hier finaal ingekonk het - lyk asof die hoofsensor die gees gegee het.
• Ons moes op Citrusdal by die Spar gaan proviand kry vir Kersdag - hier gaan werklik niks aan nie.
  
• Ons was vir Kersdag Elandsbaai toe waar die wind ons heeltemal weggewaai het - dit was egter steeds lekker om dit te sien. Ons moes op Eendekuil stop vir aanwysings. 'n klein plekkie met niks.... Het darem heelwat skulpe opgetel en rondgehol saam met die kinders op die groot strand. Oppad terug het die berge te mooi gelyk in die laat middagson. Die son het ook telkens weer opgekom tot Franko se verbasing...
• 'n Padstal tussen Piketberg en Citrusdal net soos mens in die berg inry is Kardoesie - mens moet hier stop....
• Van die plaas na beskawing, maar eers oor Riebeek-kasteel. Hier wil ek en Bella beslis weer tyd kom spandeer. Die oorspronklike Garden-Blue is hier, en 'n klein arkadetjie van winkeltjies wat te mooi is. Die winkels was ongelukkig alles toe, met al die produkte steeds oop-en-bloot op die stoepe uitgestal.....
• By die Oliviers in Kaapstad oorgebly vir 'n paar aande. Hier het ons gaan swem tussen die pikkewyne op die betaalstrand by Simonsytad (Boulders). Dit was werklik iets besonders om die gediertetjies te sien waggel en swem tussen al die strandlywe! Ons was ook kasteel toe, wat hierdie slag baie interessant was, want met my vorige besoek was die museum deel toe vir opknappings. Vergekyk baie goed met ander internasionale museums - eintlik beter, want dit is nie oor-gekommersialiseerd nie. Ons het ook cool-runnings gaan doen teen 'n heuwel af, nes in die fliek, net makliker! ;-) En natuurlik darem een wynplasie gaan doen, waar ek en ou Guillaume eerder die skinkertjie wou proe as die wyn!.... O, en ons het 1 uur en 5 minute vir vis en tjips gewag by Mariner's Wharf op Houtbaai - tot Retha se verbasing dat Gui so geduldig was....;-)
• Jip, en dan vroegoggend terug Sodom en Gemorra toe, met 'n kort oorslaap op Bloemies

En daar is die ou vakansietjie poer in sy moer - maar darem lekker, besig en rustig. Foto's van die hele vakansie is in die album, met enetjie hier net vir lusmaak.

Buite-sonnestel planete

As dit is hoe een van die buit-sonnestelsel planete lyk, sou ek dit darem bitter graag beter wou sien.....Hierdie is 'n kunstenaars vooorstelling van 'n planeet rondom die ster CoKu Tau/4, 420 ligjare hiervandaan. Sien ander ook op Wired.com.

Eyak

Vandag het daar nog 'n taal in die wereld uitgesterf: Eyak (Indian tribe in Alaska) - Wired.com

Anrich kan nou goed (op se eie) swem!

Sien van die fotos in ons album.

Terug Skool Toe!

Franko doen vanjaar Graad 3, oftewel Standard Een in die ou bedeling. Anrich is in Graad R, of ook genoem Graad Nul. 'n Paar Foto's van die tweetjies in ons foto album.

Sekerlik die mooiste VW nog....

A-klas Roadster

Ek wil een he^......

Syrrey foto's

Van die foto's soos belowe - hierdie paar is van die wat Cobus Venter geneem het.

Met die maan gepla

Johan Kruger het van hierdie laat weet, en gelukkig het ons dit toe gesien - te mooi. Die foto is van news24.com se site af. Dit is Jupiter en Venus wat so met die maan dans. Stellarium wys watter planeet is watter in die prentjie hieronder:

Jupiter is regs onder, en Venus links-bo.

Windsor

Was vandag saam met Hester en Matthew na Windsor om daar rond te loop en na die Somerhuisie van die Queen Ma'am te kyk - baie mooi, en die straatjies vol winkels is iets besonders. Het sommer by 'n Ierse pub geeet, en 'n pint bitters gedrink. Te lekker. Sal van die fotos op picasaweb sit. 

Guildford

Ek en Cobus Venter het Guildford toegery vir die aand - dit was regtig goed. Sien 'n foto hier van hul web-blaai.

View Larger Map

Ons het daar by Giraffe gee"et. Ek sal van my en Cobus se fotos op my Picasa publiseer. Oppad terug Camberley toe, het ons per ongeluk 'n verkeerde afrit gevat, en deur Farnham gery. Daar het ons 'n baie mooi kerk gesien, St Andrews Church. Darem weer met 'n paar baie interessante draaie weer terug in Camberley gekom. Ons het by verskeie country pubs verbygery, part wat lyk asof James Bond nounou daar gaan inboek.

Diep (1)

Once they -- all of them -- had been genuine angels, and at that time they had had a choice between good and evil, so it was easy, easy being an angel. And then something happened. Something went wrong or broke down or failed. And they had become faced with the necessity of choosing not good or evil but the lesser of two evils, and so that had unhinged them and now each was a man.
- Philip K. Dick, "Galactic Pot-healer"

Surrey, London

Is tans in London (Camberley, Surrey) vir opleiding by Systematic. Het so bietjie tyd in die stad self spandeer, en selfs die London Eye gevlieg. Surrey is 'n rustige dorpie, en die Meadowcroft gastehuis wat aan Alan en Shena behoort is puik - dit is beslis die beste plek waar ek nog in die hierdie deel van die wereld gebly het. Alan het self aangebied om ons op en af te laai na 'n uittog na die groot stad, en het baie raad oor pubs ens gegee wat baie goeie raad was. Alan en Shena bedryf die plek al van 1993, en doen alles self - hulle is baie gasvry, en gaan uit hul pad om te help met enige iets. Beslis aan te beveel vir 'n hotel-moee" reisiger. Ons het ook by die Four Horse Shoes op Alan se aanbeveling gaan eet - Die Tribute bier daar was baie aangenaam, en hul steak paai is regtig goed vir 'n pub. Ek het van my foto's en van die wat Cobus Venter geneem het op my Picasa aanlyn album gepos. Sean Grant was ook saam. Ek het aan die einde van die week by Corne, Hester en Mattewis gaan kuier - baie lekker.

Bond: Quantum of Solace

As 'n Bond, faal hierdie weergawe, en verdien eintlik dan 1 uit 10. As generiese ontsnapping kan dit so 6 tot 7 uit 10 kry. Om 'n Bond te kan wees is daar 'n paar bestandele van uiterste belang: (1) Vrek mooi meisies, insluitend slegte meisies wat Bond dan om elke hoek en draai vasdruk, of ten minste met vrek skerp sinsnedes vermaak. Die 2 dames in die fliek is nou wel mooi, en die pragtige Engelse rosie is nou wel eenkeer gedruk/gelek, maar daar is geen voelbare spanning tussen die hoofsterre nie. Daar is meer spanning tussen Dame Judy en Bond! (2) Hy moet asemrowende vervoermiddels in heelwat meer natuurwet-oortredende toertjies gebruik, as die een Aston en baie vervelige ander motors. Waar is die dae wat Bond met 'n army tenk die skelms uitoorle^? (3) Die skelms moet onmoontlik sleg lyk en handel, en moet Bond tot op die laaste uitoorle^, nie soos die papperd wat 'n kannetjie olie gewilliglik drink nie! Wat was daai reus van 'n man in Gold Finger - flip hy sal my in my broek laat piepie het! (4) Speelgoed - een vervelige toneel van sogenaame multi-tas skerms is al baie ou nuus, selfs nou al op selfone beskikbaar. En baie daarvan, nie net een of twee nie. (5) Vlymkerp se^goed wat selfs die slegste skelm of mooiste meisie sal laat knak. En baie daarvan. (6) Bond moet nie te sterk en gespierd voorkom nie, hy moet met slim voetwerk, sonder om soos 'n geknakte recce soldaat te lyk, die skelms uitoorle^. Nee wat, ek dink hulle het die resep verloor, maar ten spyte daarvan moet mens die fliekie op die groot skerm gaan kyk. Ai, die opwinding!

Hoe het hulle geweet om daar te kyk!?

Hierdie het op 21 Nov 2008 news24.com verskyn. Sien hieronder.

Wat ek net wonder, is hoe het hulle geweet om daar te kyk, en hoe !?

Woman hid drugs in vagina
20/11/2008 22:30 - (SA)

Johannesburg - A woman was arrested at Cape Town International Airport on Thursday after cocaine was found in her possession, Johannesburg police said.

The South African woman had just got off a flight from Buenos Aires in Argentina around 11:30 when she was arrested.

"She had approximately half a kilogram hidden in her private parts and 52 bullets which she had swallowed, [also] presumed to contain cocaine. Further test are still being conducted," said Captain Dennis Adriao.

Sommer net oulik...

Anrich Swem !!!

Anrich het verlede week begin vra om sy vlerkies af te haal sodat hy kan oefen om te swem. Hy het begin deur so tipe-van versuipslaggie te swem, maar het vandag vir die eerste maal self aan die diepkant ingespring, en helemal op eie houtjie tot by die vlak kant se trap geswem. Hy is nou soos 'n vissie in die water en kan net nie genoeg kry nie. Hy is nou besig om te probeer leer om sonder 'n duikbrilletjie te swem....

Auto Africa

Ek, Oupa Harm, Franko en Anrich was die naweek na AutoAfrica 2008 by Nasrec, net Suid van Johannesburg. Die skou was ietwat kleiner as die vorige een, maar daar was vir my 'n paar meer aanskoulike modelle as by die vorige een. Honda se klein mens-robotjie het glans aan die vorige een verleen, wat by hierdie een ietwat afwesig was. En, ai, foeitog, elke uitstaller gebruik maar sy fair share van mooi meisies om die produkte te help bemark. Die vreemdste was die by Mercedes-Benz se swaervoertiug seksie. Hulle het tradisionele Duitse drag gedra, met sulke uitstaan borsies. Daar was selfs 'n laaitjie met sulke drag, ten minste darem sonder die uitstaan borsies...

Die vreemdste vertoon, was die baie duur en fensie CL600 wat op die maat van rap-musiek (I like you just the way you are, Timbaland en I like to move-it-move-it)  sy lugsuspensie misbruik het om dans-passies, kan jy glo, te doen. Net soos die ouens wat hulle kar mod in die states....Moet se, dit was baie vreemd....

Maar nou, ja, die oulikste konsepmotor is die Nissan Nuvu, en die mees passievolste, waarskynlik die nuwe Alfa Spider. Die Ferari's was darem elk ook 'n slag gestart en geref, iets wat hulle die vorige keer nie wou doen nie. 

Ek sal van Oupa se foto's later bysit, maar eers 'n paar wat ek van die web af gekry het:

Hierdie is die Nissan Nuvu, beslis die mees verfrissende klein elektriese motortjie wat ek nog gesien het.

 

Die Alfa Spider het in lewende lywe die mees passievolste ontwerp daar gehad:

<

Ilanga Naweek

Ons het so 'n lekker ou langnawekie gemaak van die laaste naweek in die skoolvakansie. Ons was 9 gesinne wat die hele Ilanga lodge uitgeboek het. Dit was 'n naweek van tennis, tafeltennis, swem, 'n wildrit, fietsry, kleiduifskiet, kuier, braai, lees en slaap! Dit was vrek lekker. Die gesinne was Le Roux, Visser, Kruger, Schindler, Van Niekerk, Stander, Kriel, Van Rensburg en Grabe. 

Ons het 'n sonsondergangdrankie/versnappering geniet op een van die beste uitkykpunte in die ou Transvaal....

Hier is ek in aksie met die lekker ou haelgeweer. Met my heel eerste skoot ooit met 'n haelgeweer het ek darem die eerste klei getref, en darem so 50% gehaal....

My droomkar....

My Verjaardag ete...

Op 22 Oktober my verjaardagete by O'Galito's, Montanapark gehad. Die rekening was maar taai, maar die ribbetjies was perfek, en hul interpretasie van 'n Tiramisu is uitstekend. Ek sal beslis net daarvoor teruggaan....

Wegbreek Sel-naweek

Ons het so lekker blaaskansie gekry saam met die sel by Tussen-i-bome. Dit was regtig rustig want ons het nie eers nodig gehad om kos te maak nie! Ons het in een van die ossewaens gebly, waar mens dit so bietjie moet rough, want daar is nie krag of lopende water nie. Mens maak met so 'n mini-donkie warm water:

Dan bad jy in die balie: